کمشنر کا منڈی بہاؤالدین کادورہ،منصوبوں کا جائزہ
منڈی بہاؤالدین (نامہ نگار )کمشنر گوجرانوالہ ڈویژن نوید حیدر شیرازی نے منڈی بہاؤالدین کادورہ کیا اور ۔
ڈپٹی کمشنر آفس میں اجلاس کی صدارت کی۔ اس موقع پر ڈپٹی کمشنرڈاکٹر فیصل سلیم،ایڈیشنل ڈپٹی کمشنر جنرل وقار اکبر چیمہ،تینوں تحصیلوں کے اسسٹنٹ کمشنرز،ڈپٹی ڈائریکٹر لوکل گورنمنٹ رضوان بشیر آغا اور دیگر متعلقہ افسران بھی موجود تھے ۔ڈپٹی کمشنر ڈاکٹر فیصل سلیم نے کمشنرگوجرانولہ کو ضلعی محکموں کی کارکردگی پر تفصیلی بریفنگ دی ۔ڈپٹی کمشنر نے پرائس کنٹرول، پنجاب کسان کارڈ، گرین ٹریکٹر سکیم، زرعی گریجوایٹس انٹرن شپ سکیم، گندم، لائیو سٹاک کارڈ، پنجاب سوشیو اکنامک رجسٹری، اپنی چھت اپنا گھر، ریونیو ڈیپارٹمنٹ کی کارکردگی، ستھرا پنجاب مہم، ترقیاتی منصوبہ جات،،جمخانہ، انسداد تجاوزات سمیت شہر کی بیوٹیفکیشن کے حوالے سے تفصیلی بریفنگ دی۔کمشنر گوجرانوالہ نوید حیدر شیرازی کا کہنا تھا کہ ان کے دورے کا بنیادی مقصد ضلعی محکموں کی کارکردگی کا جائزہ لینا اور گورننس کے نظام کو مزید مؤثر بنانا ہے ۔ انہوں نے ہدایت کی کہ تمام ادارے حکومت پنجاب کے وضع کردہ کے پی آئیز (KPI\\\'s) پر عملدرآمد یقینی بنائیں اور ضلعی سربراہان اپنی تمام تر توجہ عوامی فلاح و بہبود پر مرکوز رکھیں۔ ان کا کہنا تھا کہ محکمہ تعلیم، محکمہ صحت اور میونسپل ادارے شہریوں کو بہترین خدمات کی فراہمی یقینی بنائیں۔عوامی شکایات کے فوری ازالے اور سروس ڈیلیوری کے معیار کو مزید بہتر بنانے کیلئے ضروری اقدامات کئے جائیں ۔
