ہماری ثقافت دنیا میں ہماری شناخت کا ذریعہ :ڈپٹی کمشنر
گوجرانوالہ (نیوز رپورٹر)پنجاب کی ثقافت، زبان اور رسم و رواج دنیا کی قدیم تہذیبوں میں سے ایک ہے ۔۔
پگڑی اور ہمارے لباس، پہناوے دنیا میں ہماری شناخت کا ذریعہ ہیں۔آج کے دن کو منانے کا مقصد اپنی روایات کو اپنانا اور آنے والی نسلوں تک منتقل کرنا ہے اور انہیں بتانا ہے کہ ہماری ثقافت ہمارا فخر اور مان ہے ۔ان خیالات کا اظہار ڈپٹی کمشنر نوید احمد نے گورنمنٹ پوسٹ گریجوایٹ کالج سیٹلائٹ ٹاؤن، گورنمنٹ نجیب میموریل ہائی سکول میں کلچرل ڈے کی تقریب سے خطاب کرتے ہوئے کیا۔14اپریل پنجابی ثقافت دن کے مناسب سے منعقدہ تقریبات کے موقع پر طلباء طالبات نے پورے جوش و خروش کے ساتھ پنجابی ثقافت کو اجاگر کیا اورطلبہ نے پنجابی ثقافت کے ساتھ ساتھ سندھی اور بلوچی، پختون، کشمیری، گلگت سمیت ملک بھر کی ثقافت کی بھی بھرپور نمائندگی کی ۔ثقافتی دن کے موقع پر طلباء نے روایتی لباس پہن کر پنجاب کے رنگوں کو اجاگر کیا۔ پنجاب کے مختلف علاقوں کے روایتی کھانوں کو پیش کیا اور کھیلوں میں حصہ لیا اور اپنی ثقافت سے اظہار یگانگت کیا۔ طالبات کی تفریح کیلئے اس موقع پر جھولوں، کھلونوں اور روایتی کھانوں کا اہتمام کیاگیا۔ تقریبات میں پنجابی ثقافت کے مناظروں اور پینٹنگز مقابلوں نے ثقافتی تقریبات کو کافی رنگینی بخشی۔
