نیوٹیک کے دو طلبہ کا اعزاز، عالمی چیمپئن شپ کیلئے کوالیفائی کر لیا
راولپنڈی (خصوصی نیوز رپورٹر) نیوٹیک کے کمپیوٹر سائنس ڈیپارٹمنٹ بیچ 2019 کے طلبہ جنید حسن اور سیدہ مناہل جاوید نے ایچ ای سی کے اشتراک سے منعقدہ۔۔۔
مائیکروسافٹ امیجن کپ 2023 میں ریجنل اور نیشنل فائنلز میں پہلی پوزیشنیں حاصل کرکے عالمی چیمپئن شپ کیلئے کوالیفائی کر لیا ہے ، ان کی پروڈکٹ Journovoltکا مقصد ایک خودکار نیوز رپورٹنگ چینل متعارف کروانا ہے جو مستند، حقیقی، تعصب سے پاک خبروں کی رپورٹنگ کرتا ہے اور ساتھ ہی ساتھ ان اخراجات کو بھی کم کرتا ہے جو ایک عام نیوز براڈکاسٹنگ چینل کو چلانے کیلئے درکار ہوتے ہیں،پچھلے 19 سال کے دوران 20 لاکھ سے زیادہ حریفوں نے مائیکرو سافٹ کے عالمی طلبہ ٹیکنالوجی مقابلے کیلئے سائن اپ کیا ہے تاکہ وہ کچھ ایسا تیار کر سکیں جو ان کے لئے اہمیت کا حامل ہو او ر ان کی کمیونٹیز میں فرق پیدا کرسکیں ،ریکٹر نیوٹیک لیفٹیننٹ جنرل (ر) معظم اعجاز نے تمام طلباء کی کاوشوں کو سراہا اور جیتنے والی ٹیم کو نیوٹیک کے لئے سنگ میل حاصل کرنے پر مبارکباد دی۔
