وفاقی دارالحکومت میں وارداتیں ،شہری گاڑیوں ،زیورات سے محروم
اسلام آباد(اپنے نامہ نگارسے )وفاقی دارالحکومت میں مختلف وارداتوں کے دوران شہریوں کو گاڑیوں ، موٹر سائیکلوں ، موبائل فونز ، طلائی زیورات ، لیپ ٹاپ ، لاکھوں کی ملکی و غیر ملکی کرنسی سمیت دیگر قیمتی سامان سے محروم کر دیا گیا۔
پولیس ریکارڈ کے مطابق تھانہ سیکرٹریٹ کے علاقے سے موبائل فون اور نقدی چھین لی گئی ، کوہسار میں وکیل کے گھر سے لیپ ٹاپ ، نقدی ، چار موبائل فون اور ٹیبلٹ چوری کر لئے گئے ، ایک شہری کا موٹر سائیکل بھی چوری ہوا ، شالیمار سے 24 بیٹریاں اور ایک موبائل فون چوری کر لیا گیا ، تھانہ رمنا سے دو موٹر سائیکل چوری ہوئے ، آئی نائن سے دو موبائل فون اور ایک موٹر سائیکل چوری ہوا جبکہ سبزی منڈی کی حدود سے ایک گاڑی چوری ہوئی ، تھانہ نون سے ایک موٹر سائیکل اور ایک موبائل فون چوری کرلیا گیا ، پولیس نے مقدمات درج کر لئے ۔
روزنامہ دنیا ایپ انسٹال کریں
