پیپلز پارٹی نے ہمیشہ استحکام پاکستان کیلئے جدوجہد کی:قمر کائرہ
راولپنڈی(خصوصی نامہ نگار)پاکستان پیپلز پارٹی کے مرکزی رہنما قمر زمان کائرہ نے کہا پیپلز پارٹی نے ہمیشہ پاکستان کے استحکام کیلئے جدوجہد کی ہے، حلقہ کے مسائل ہمارا امید وار حل کرائے گا اور ہم وفاق سے بھی مسائل حل کرائیں گے۔
ان خیالات کا اظہار انہوں نے کنٹونمنٹ بورڈ کے الیکشن میں پاکستان پیپلز پارٹی کے امیدوار وارڈ نمبر 6 عدیل اعظم بٹ کی حلقہ انتخاب میں نکالی گئی ریلی سے خطاب کرتے ہوئے کیا۔ پیپلز پارٹی پنجاب کے نائب صدر خالد نواز بوبی نے بھی خطاب کیا۔ ریلی میں عامر فدا پراچہ،نمبر دار ملک انعام، شیخ جبار، یاد میر خان ،سردار اظہر،حمید درانی نے بھی شرکت کی ۔ قمر زمان کائرہ کی آمد پر وارڈ 6کی گلیاں نعروں سے گونج اٹھیں، ریلی کے اختتام پر قمر زمان کائرہ اور دیگر رہنماؤں نے امیدوار عدیل اعظم بٹ کے مرکزی الیکشن آفس کا افتتاح بھی کیا۔
روزنامہ دنیا ایپ انسٹال کریں
