راولپنڈی ،مختلف وارداتوں میں ملوث 11جرائم پیشہ افراد گرفتار
راولپنڈی(خبر نگار) راولپنڈی پولیس نے 11 جرائم پیشہ افراد کو گرفتار کر لیا ۔ریس کورس پولیس نے 2 رکنی گینگ کو گرفتار کرکے چھینی گئی رقم1لاکھ 58 ہزار روپے ، موٹر سائیکل اور اسلحہ برآمد کیا ۔۔۔
ملزمان میں آصف اور فیصل شامل ہیں۔ ادھر ٹیکسلا پولیس نے 5 ڈ کیتوں کو گرفتار کرکے چھینے گئے 7 موٹر سائیکل، 2 موبائل فون، 38ہزار روپے اور اسلحہ برآمد کر لیا ، ملزمان بائیکیا بک کرواتے اورگن پوائنٹ پر ان سے موٹرسائیکل و نقدی چھین لیتے تھے ۔ ملزمان میں ارباز، اسامہ، سالار، عمر اور فہد شامل ہیں۔ دریں اثنا ناجائز اسلحہ رکھنے پر 4ملزم گرفتار کیے گئے ۔ پیرودہائی پولیس نے اکرام سے پستول، صادق آباد پولیس نے واجد سے پستول، ریس کورس پولیس نے آصف سے پستول ، صدر واہ پولیس نے سیف الرحمان سے پستول برآمد کر کے مقد مات درج کر لیے ۔
روزنامہ دنیا ایپ انسٹال کریں
