کاشتکاروں کو 13اقسام کی جدید زرعی مشینری د ینگے ،عاشق کرمانی

 کاشتکاروں کو 13اقسام کی جدید زرعی مشینری د ینگے ،عاشق کرمانی

راولپنڈی (خصوصی نامہ نگار)صوبائی وزیر زراعت و لائیو سٹاک سید عاشق حسین کرمانی کی زیر صدارت ایک اجلاس منعقد ہوا جس میں وزیر اعلیٰ پنجاب کسان پیکیج کے اہم منصوبوں پر ہونے والی پیشرفت کا جائزہ لیا گیا۔

اس موقع پر وزیر زراعت نے کہا کہ وزیر اعلیٰ پنجاب صوبہ میں زرعی میکانائزیشن کے فروغ کیلئے ترجیحاً اقدامات کر رہی ہیں۔ صوبہ میں 5ایکڑ اور اس سے زائد ملکیتی رقبہ کے کسانوں کو گرین ٹریکٹر پروگرام کے دوسرے مرحلہ میں65 ، 75اور85 ہارس پاور کے ٹریکٹرز سبسڈی پر فراہم کئے جائیں گے ، 5 ارب روپے کی لاگت سے 5ہزار گرین ٹریکٹرز کاشتکاروں کو فراہم کئے جائیں گے جبکہ مجموعی طور پر13 اقسام کی جدید زرعی مشینری کاشتکاروں کو فراہم کی جائے گی۔ اس پروگرام کے تحت سروس پروائیڈرز کو5کروڑ 50لاکھ روپے تک کا بلا سود قرضہ فراہم کیا جائے گا۔ 

 

روزنامہ دنیا ایپ انسٹال کریں