مشکوک ای ویزا پر البانیا جانیوالا مسافر ایجنٹوں سمیت گرفتار
اسلام آباد (آئی این پی) ایف آئی اے نے مشکوک ای ویزا پر البانیا جانے والا مسافر 2ایجنٹوں سمیت گرفتار کر لیا۔
ترجمان کے جاری بیان کے مطابق ایف آئی اے امیگریشن کراچی نے غیر قانونی ویزا پر سفر کرنے والے مسافر اور ایجنٹس کے خلاف کامیاب کارروائی کی اور مرزا سکندر کو 2ایجنٹوں سمیت گرفتار کر لیا، گرفتار ایجنٹوں کی شناخت مہران خالد اور شہروز جنید کے نام سے ہوئی، گرفتار مسافر نے جعلی ای ویزے پر البانیا جانے کی کوشش کی اس کا پیش کیا گیا ای ویزا جعلی نکلا جو اس نے ایجنٹوں سے 22لاکھ روپے کے عوض حاصل کیا اور 15لاکھ روپے بینک کے ذریعے ادا کیے۔
روزنامہ دنیا ایپ انسٹال کریں
