اسلام آباد میں پینے کا پانی میسر نہیں ، فرحت اللہ بابر
اسلام آباد(سٹاف رپورٹر)پاکستان پیپلز پارٹی انسانی حقوق سیل کے صدر فرحت اللہ بابر اور جنرل سیکر ٹری ملائکہ رضا نے کہا کہ موسمیاتی تبدیلی کی وجہ سے جوہری تبدیلی آئی ہے۔۔
، انڈس ہماری لائف لائن ہے جس کے بغیر پاکستان کا گزارا نہیں ہو سکتا، گزشتہ دس سالوں میں 65 فیصد زیادہ گلیشئر پگھل رہے ہیں ، انڈس کا انحصار انہی گلیشئرز پر ہے ، تمام صو بوں کو یہیں سے پانی میسر ہوتا ہے ،پریس کانفرنس کرتے ہوئے انہوں نے کہا کہ پانی کم ہو رہا ہے ،موسمیاتی تبدیلی کی وجہ سے بارشیں کم ہوئی ہیں، دوسری طرف آبادی بھی بڑھ رہی ہے ، ایک طرف پانی کم ہو رہا ہے دوسری طرف پنجاب میں 6 نہریں بن رہی ہیں، سندھ اور پنجاب میں پانی کا مسئلہ بن رہا ہے ،1991 کا معاہدہ تمام کی مشاورت سے ہوا تھا، پانی کے مسئلے کو مشترکہ مفادات کونسل میں لے جائیں، کسانوں سے مشاورت تو کریں ، قحط سالی ایمرجنسی ڈیکلیئر کرنا ہو گی۔
