موسمی حالات، کاشتکاروں کیلئے فصلوں سے متعلق ایڈوائزری جاری
راولپنڈی (نیوز رپورٹر) موسمی حالات کے پیش نظر کاشتکاروں کیلئے فصلوں سے متعلق ایڈوائزری جاری کر دی گئی، ترجمان محکمہ زراعت پنجاب کے مطابق کاشتکارموجودہ موسمی حالات کے پیشِ نظراپنی فصلوں کا روزانہ معائنہ کرتے رہیں۔
کاشتکار بارش یا آندھی کی صورت میں گندم کی کٹائی و گہائی روک دیں، فصلوں و سبزیات اور آم و ترشاوہ باغات کی آبپاشی کا درمیانی وقفہ کم کر دیں۔ کپاس کی کاشت کے دوران موسمی پیشگوئی مدِ نظر رکھیں اور اگیتی کاشت کے نگہداشتی اُمور پر خصوصی توجہ دیں۔ جنوبی پنجاب میں درجہ حرارت معمول سے 6تا 8ڈگری سینٹی گریڈ زائد رہنے کی پیش گوئی ہے، کاشتکار فصلوں کو گرمی کی شدت سے بچانے کیلئے محکمہ کی سفارشات پر عمل کریں۔
روزنامہ دنیا ایپ انسٹال کریں
