بکریاں چوری کرنے والا ملزم سی سی ٹی وی فوٹیجز سے ٹریس
راولپنڈی (خبر نگار) بکریاں چوری کرنے والا ملزم گرفتار،چوری شدہ بکریوں کی فروخت سے حاصل ہونے والی رقم 1لاکھ 20ہزار روپے برآمد کر کے واردات میں استعمال ہونے والی گاڑی قبضہ پولیس میں لے لی گئی۔
چکلالہ پولیس نے ملزم علی حسنین کو گرفتارکیا، ملزم چوری کے مقدمات میں ریکارڈ یافتہ اور پولیس کو مطلوب تھا۔ چکلالہ پولیس نے سی سی ٹی وی فوٹیجز سمیت تمام ذرائع بروئے کارلاتے ہوئے ملزم کو ٹریس کرکے گرفتار کیا۔ ایس پی پوٹھوہار کا کہنا تھا ملزم کو ٹھوس شواہد کے ساتھ چالان عدالت کیا جائے گا،شہریوں کو قیمتی اثاثے سے محروم کرنے والے قانون سے نہیں بچ سکتے ۔
روزنامہ دنیا ایپ انسٹال کریں
