پی ٹی اے چھاپے، 17 پیچیڈ موبائل فونز برآمد، 5 افراد گرفتار
اسلام آباد (نیوز رپورٹر) پی ٹی اے اور ایف آئی اے نے فیصل آباد کے تجارتی مرکز (کچہری بازار، کلاک ٹاور) میں موبائل فون کی ریٹیل اور ریپئر دکانوں پر تین چھاپے مارے۔
دو دکانوں سے 17 پیچیڈ (Patched)موبائل فونز برآمد کیے گئے، ایک ریپئر شاپ سے ایک Baitفون اور Chimeraسافٹ ویئر لیپ ٹاپ قبضے میں لے لیا گیا جو آئی ایم ای آئی ٹیمپرنگ کیلئے استعمال ہوتا ہے۔ ایف آئی اے نے پانچ افراد کو گرفتار کیا اور ایف آئی آرز درج کر لی ہیں۔ مذکورہ اقدامات پی ٹی اے کے ٹیلی کام فراڈ کی روک تھام، قومی خزانے کو نقصان سے بچانے اور قومی سلامتی کو درپیش خطرات پر قابو پانے کی کوششوں کا تسلسل ہیں۔ غیر قانونی طور پر ٹیمپر کیے گئے فونز سنگین خطرات کا باعث بن سکتے ہیں جو سائبر کرائم، مالیاتی فراڈ، اغواء اور دیگر غیر قانونی سرگرمیوں میں استعمال ہو سکتے ہیں۔ عوام مشکوک ٹیمپرنگ یا کلوننگ کی اطلاع فوری طور پر دیں۔ ریگولیٹری قوانین پر عمل درآمد کا سلسلہ جاری رہے گا اور خلاف ورزی پر قانونی کارروائی عمل میں لائی جائے گی۔
