پاکستان نے بھارتی کارروائیوں کا منہ توڑ جواب دیا : عبدالعلیم خان
اسلام آباد(دنیا رپورٹ)صدر استحکام پاکستان پارٹی اور وفاقی وزیر عبدالعلیم خان نے کہا ہے کہ پاکستان نے بھارت کی یکطرفہ کارروائیوں کا منہ توڑ جواب دیا ہے۔۔۔
اْسے کسی غلط فہمی میں نہیں رہنا چاہیے پاک فوج دشمن کے دانت کھٹے کرنے کے لئے ہمہ وقت تیار ہے اور اگر وقت آیا تو 24کروڑ عوام دشمن کے سامنے سیسہ پلائی ہوئی دیوار ثابت ہوں گے ۔ اپنے رد عمل میں وفاقی وزیر کا کہنا تھا کہ بھارت نے ہمیشہ سازش کے ذریعے حالات خراب کرنے کی سازش کی، پاکستان پر الزامات عائد کرنے سے پہلے مودی حکومت کو اپنے گریبان میں جھانکنا چاہیے کیونکہ پاکستان سمیت دیگر ممالک میں بھارت کی دہشتگردی کی کارروائیاں کسی سے ڈھکی چھپی نہیں۔ بھارت کی انتہا پسندانہ پالیسی دنیا کی نظروں سے اصل مسائل کو ہٹانے کی ناکام کوشش ہے ،مود ی حکومت کو خوابوں سے نکلنا چاہیے کیونکہ اگر اْس نے کسی قسم کی در اندازی کی کوشش کی تو پاکستان اْسے سخت سبق سکھائے گا۔ استحکام پاکستان پارٹی وفاقی حکومت کے تمام فیصلوں اور اعلامیے کی بھرپور تائید و حما یت کرتی ہے۔
