گھریلو جھگڑوں سے تنگ خاتون نے آگ لگا کر خود کشی کرلی
راولپنڈی (خصوصی نامہ نگار) قائد اعظم کالونی میں گھریلو جھگڑوں سے تنگ 27 سالہ خاتون نے خود کو آگ لگا کر زندگی کا خاتمہ کرلیا۔
واقعہ تھانہ دھمیال کی حدود میں پیش آیا،پولیس نے لاش تحویل میں لے کر پوسٹ مارٹم کیلئے ہسپتال بھجوا دی۔ رپورٹ کے مطابق گزشتہ رات میاں بیوی کے درمیان زیادہ جھگڑا ہونے پر خاتون نے خود کو تیل چھڑک کر آگ لگائی اور دم توڑ گئی۔دوسری جانب تھانہ چکلالہ کی حدود میں تیز رفتار ٹرین نے راہ گیر کو کچل دیا، ٹرین گزرتے وقت 40 سالہ نامعلوم شخص لائن کراس کرنے کی کوشش میں کچلا گیا۔ادھر ریلوے پل رحیم آباد سے 30 سالہ شخص کی لاش برآمد ہوئی، متوفی کی فوری طور پر شناخت نہ ہو سکی۔ لاش کو ہسپتال منتقل کر دیا گیا۔
روزنامہ دنیا ایپ انسٹال کریں
