دفتر ڈسٹرکٹ الیکشن کمشنر مری میں عوامی آگاہی کے فروغ کیلئے سیمینار
راولپنڈی(نیوزرپورٹر)الیکشن کمیشن آف پاکستان کی ہدایات کی روشنی میں دفتر ڈسٹرکٹ الیکشن کمشنر مری میں ووٹر ایجوکیشن اور عوامی آگاہی کے فروغ کے لیے ایک سیمینار منعقد کیا گیا۔
جس میں معذور افراد، اقلیتوں ، خواتین، نوجوانوں اور طلبا نے بھرپور شرکت کی۔ سیمینار کا مقصد ووٹ کی اہمیت کو اجاگر کرنا اور تمام طبقات کو انتخابی عمل میں بھرپور شرکت کے لیے متحرک کرنا تھا۔سیمینار میں ڈسٹرکٹ الیکشن کمشنر مری کیساتھ ساتھ محکمہ تعلیم، سوشل ویلفیئر، لوکل گورنمنٹ اینڈ کمیونٹی ڈویلپمنٹ، ڈسٹرکٹ ووٹر ایجوکیشن کمیٹی کے اراکین، اور سول سوسائٹی کی نمائندہ تنظیموں کے افراد نے بھی شرکت کی۔تقریب میں مقررین نے ووٹ کی طاقت، ہر شہری کے انفرادی کردار، اور منصفانہ انتخابات کے لیے بیداری کی ضرورت پر زور دیا۔ شرکاء کوووٹ کی اہمیت، ووٹر لسٹ میں اندراج کے طریقہ کاراور انتخابی عمل کے متعلق تفصیلی معلومات فراہم کی گئیں۔ سیمینار کیاختتام پر شرکاء نے الیکشن کمیشن کے اقدامات کو سراہا اور عزم کیا کہ وہ معاشرے میں ووٹر آگاہی پھیلانے میں مثبت کردار ادا کرتے رہیں گے ۔
