نوجوانوں کو پالیسی سازی میں شراکت دار بنایا جائے،رانا مشہود
نوجوان ہماری سب سے بڑی طاقت،جدید ڈیجیٹل مواقع فراہم کرنے کیلئے پرعزم
اسلام آباد (مانیٹرنگ ڈیسک) چیئرمین وزیراعظم یوتھ پروگرام رانا مشہود احمد نے کہا کہ پاکستان نوجوانوں کی قیادت میں عالمی سطح پر فعال کردار ادا کرتا رہے گا۔ کامن ویلتھ یوتھ منسٹریل ٹاسک فورس کے اجلاس سے خطاب میں انہوں نے کہا کہ نوجوان ہماری سب سے بڑی طاقت ہیں اور پاکستان نوجوانوں کو جدید ڈیجیٹل مواقع فراہم کرنے کیلئے پرعزم ہے۔ نوجوانوں کو پالیسی سازی میں برابر کا شراکت دار بنایا جانا چاہیے اور ڈیجیٹل تقسیم کو ختم کرنا دولتِ مشترکہ کی ترجیح ہونی چاہیے۔ پاکستان نوجوانوں کی تعلیم اور روزگار کی فراہمی کیلئے اقدامات جاری رکھے گا تاکہ ملک کی ترقی میں نوجوان بھرپور حصہ ڈال سکیں۔
روزنامہ دنیا ایپ انسٹال کریں
