5سال:ملائشیا کو1لاکھ 30ہزارمیٹرک ٹن گوشت برآمد کرنیکا منصوبہ
لائیو سٹاک سیکٹر میں پانچ سالوں میں 14 کروڑ ڈالر سرمایہ کاری درکار ہوگی ،دستاویز
اسلام آباد (آئی این پی) حکومت نے برآمدات میں اضافے کیلئے حلال گوشت کو ترجیحی شعبہ قراردیتے ہوئے اگلے پانچ سال میں ملائشیا کو ایک لاکھ 30 ہزارمیٹرک ٹن گوشت برآمد کرنیکا منصوبہ تیارکرلیا جس سے باون کروڑ ڈالر زرمبادلہ حاصل ہوگا۔منصوبے کے تحت ملائشیا کو گوشت برآمد کرنے کے لیے پانچ لاکھ باون ہزار مویشی درکار ہوں گے جبکہ لائیو سٹاک سیکٹر میں پانچ سال کے دوران چودہ کروڑ ڈالر سرمایہ کاری کی ضرورت ہوگی جس میں سے آٹھ کروڑ ڈالر پرائیویٹ سیکٹر اور چھ کروڑ ڈالر حکومت فراہم کرے گی۔دستاویز میں مزید بتایا گیا کہ جانوروں کی ویکسی نیشن اور کولڈ سٹوریج کی جدید سہولیات بھی قائم کی جائیں گی تاکہ معیار اور برآمدی صلاحیت کو بہتر بنایا جا سکے ۔
روزنامہ دنیا ایپ انسٹال کریں
