ٹرک سے اسمگل شدہ 4ہزار کلو گرام چھالیہ برآمد
کراچی(اسٹاف رپورٹر)بلوچستان سے 4 ہزار کلو چھالیہ کراچی اسمگل کرنے کی کوشش ناکام بنا دی گئی۔پاکستان کسٹمز انفورسمنٹ کراچی کی انسداد اسمگلنگ مہم کے تحت یومیہ بنیادوں پر کارروائیاں جاری ہیں۔۔
اسی سلسلے میں جمعے کے روزخفیہ اطلاع ملنے پرکارروائی کرکے بھوسے سے لدے ٹرک سے اسمگل شدہ 4ہزار کلو گرام چھالیہ برآمد کرلی گئی۔کلیکٹر کسٹمز باسط عباسی کے مطابق 40لاکھ روپے مالیت کی اسمگل شدہ چھالیہ بلوچستان سے کراچی منتقل کی جارہی تھی۔ ہمدرد چیک پوسٹ کے عملے نے ٹرک رجسٹریشن نمبر TKC012 کی تلاشی لی، جس میں سے چھالیہ برآمد ہوئی۔انہوں نے بتایا کہ اسمگلنگ میں استعمال ہونے والے ٹرک کو ضبط کرکے مقدمہ درج کرلیا گیا ہے اور بشمول چھالیہ اے ایس او گودام منتقل کرکے تحقیقات شروع کردی گئی ہے ۔
روزنامہ دنیا ایپ انسٹال کریں
