ٹریفک حادثے اور دیگر واقعات میں 3افراد جاں بحق
کراچی(مانیٹرنگ ڈیسک)شہر میں ٹریفک حادثے اور دیگر واقعات میں 3 افراد جاں بحق جبکہ کھلے ہوئے مین ہول میں گر کر ایک شخص زخمی ہوگیا۔
تفصیلات کے مطابق بلدیہ یوسف گوٹھ بس ٹرمینل کے قریب ٹریفک حادثے میں بزرگ شہری جاں بحق ہوگیا ۔متوفی کی شناخت 65 سالہ عبدالغنی کے نام سے کی گئی ۔ملیر کالا بورڈ کے قریب ریلوے ٹریک پر ٹرین کی ٹکر سے ایک شخص جاں بحق ہوگیا،فوری طور پر متوفی کی شناخت نہیں ہو سکی جبکہ اس کی عمر 25 سال کے قریب بتائی جاتی ہے ۔ فشری کالا پانی سمندر میں ڈوب کر 22 سالہ محب اللہ جاں بحق ہوگیا جبکہ باغ کورنگی صائمہ ایونیو کے قریب کھلے ہوئے مین ہول میں گر کر 40 سالہ شبیر نامی شخص زخمی ہوگیا جسے چھیپا کے رضا کاروں نے طبی امداد کے لیے جناح اسپتال پہنچایا ۔
روزنامہ دنیا ایپ انسٹال کریں
