ناردرن بائی پاس ، ٹرالر کی شہزور ٹرک کو ٹکر،ایک شخص جاں بحق، 12زخمی
کراچی(اسٹاف رپورٹر)ناردرن بائی پاس کے قریب ٹریفک حادثے میں ایک شخص جاں بحق جبکہ 12 افراد زخمی ہوگئے ۔
پولیس کے مطابق متاثرہ افراد بنا ہوڈ والے شہزور ٹرک میں سوار ہوکر نیو کراچی سے حب چوکی تقریب میں شرکت کیلئے جارہے تھے کہ ناردرن بائی پاس دعا ہوٹل کے قریب عقب سے آنے والے تیز رفتار ٹرالر شہزور ٹرک کو ٹکر مارتا ہوا نکل گیا جس کے نتیجے میں ٹرک میں سوار ایک شخص موقع پر جاں بحق جبکہ 12 زخمی ہوگئے ۔جاں بحق شخص کی شناخت 55 سالہ زمان کے نام سے ہوئی جبکہ زخمیوں میں 48 سالہ رمضان ، 8 سالہ فرحان،40 سالہ غلام قدیر،42 سالہ عبدالقدیر، 22 سالہ حماد،25 سالہ دلاور،34 سالہ عبدالوہاب ،35 سالہ عابد علی، 22 سالہ دلشیر ، 21 سالہ سونو، 17 سالہ سرفراز اور 65 سالہ گل حسن شامل ہیں۔
روزنامہ دنیا ایپ انسٹال کریں
