انجمن اساتذہ جامعہ کراچی کے انتخابات کے نتائج کا اعلان
کراچی(اسٹاف رپورٹر)انجمن اساتذہ جامعہ کراچی کے سالانہ انتخابات 2024-25 ء کے نتائج کا اعلان کردیا گیا۔ نتائج کے مطابق ٹیچرز الائنس فارگڈ گورننس کے ڈاکٹر محسن علی303 ووٹ لے کر صدر منتخب ہوگئے ہیں جبکہ ان کے مقابلے میں کراچی یونیورسٹی ٹیچرز فورم کی پروفیسرڈاکٹر صالحہ رحمن نے 205 ووٹ حاصل کئے ۔
نائب صدر کیلئے کراچی یونیورسٹی ٹیچرز فورم کے سید غفران عالم سب سے زیادہ367 ووٹ لے کر منتخب ہوئے جبکہ ان کے مقابلے میں ٹیچرز الائنس فارگڈ گورننس کے پروفیسرڈاکٹرمحمدزبیر نے 147 ووٹ حاصل کئے ۔ سیکریٹری کیلئے ٹیچرز الائنس فارگڈ گورننس کے ڈاکٹر معروف بن رؤف 258ووٹ لے کر منتخب ہوئے جبکہ ان کے مقابلے میں ڈاکٹر فرخ رفیق احمدنے 254 ووٹ حاصل کئے ۔ خازن کے عہدے کیلئے ٹیچرز الائنس فارگڈ گورننس کی ڈاکٹر نِدا علی 299 ووٹ لے کر منتخب ہوئی جب کہ ان کے مقابلے میں ڈاکٹر محمد ایاز نے 214 ووٹ حاصل کئے ۔ جوائنٹ سیکریٹری کیلئے ٹیچرز الائنس فارگڈ گورننس کے ڈاکٹر فیصل اعوان 265 ووٹ لے کر جبکہ کراچی یونیورسٹی ٹیچرز فورم کے ڈاکٹر معیز خان266 ووٹ لے کر منتخب ہوئے۔
