ڈھائی کروڑکیش،22تولہ سونا،بیٹے نے ماں کے قتل کی وجہ بتادی
کراچی(اسٹاف رپورٹر)اورنگی ٹاؤن میں ماں کو قتل کرنے والے بیٹے نے دوران تفتیش قتل کی وجہ بتادی۔ایس ایس پی سینٹرل کے مطابق گرفتار ملزم مختیار عرف مکو مقتولہ کا سگا بیٹا ہے ۔۔۔
جس نے مقتولہ 40 سالہ عزت پری کو اپنے بھائی اور دیگر رشتے داروں کے ساتھ مل کر قتل کیا۔ایس ایس پی سینٹرل نے کہا کہ مقتولہ عزت پری کے سگے دو بھائیوں کو بھی جائیداد کی لالچ تھی۔ ملزم مختیار نے اپنے ویڈیو بیان میں کہا کہ میری ماں نے دو سے تین مرتبہ مجھے پولیس کے حوالے کرایا تھا اس لیے تنگ آکر قتل کا منصوبہ بنایا، میں اس کام میں اکیلا نہیں تھا میرے ساتھ دو ماموں اور ماموں کا بیٹا بھی شامل ہیں، واردات کے وقت چھوٹے بہن بھائیوں کو چیز لینے باہر بھیجا تھا۔ ملزم نے کہا کہ میں سعودی عرب میں تھا اور والد کے انتقال پر پاکستان آیا، مجھے پتا چلا کہ والد کو مروانے میں میری ماں کا ہاتھ تھا، میری والدہ کورٹ میں مکان کا کیس جیت چکی تھی، جائیداد میں ڈھائی کروڑ کیش، 22 تولہ سونا تھا۔
