ڈکیتی کی انوکھی واردات مسلح ملزمان قیمہ چھین کر فرار
کراچی (این این آئی)لیاقت آباد میں بے لگام ڈاکوؤں نے انوکھی واردات کرتے ہوئے شہر کے مشہور گولا کباب والوں کا قیمہ گن پوائنٹ پر چھین لیا۔
شہر میں ڈاکوؤں نے موبائل فون، موٹر سائیکل، رقم اور دیگر اشیا چھیننے کے ساتھ ساتھ انوکھی واردات بھی کر ڈالی۔ڈاکوؤں نے شہر کے مشہور گولا کباب والوں کا قیمہ گن پوائنٹ پر چھین لیا۔ لیاقت آباد میں ہونے والی یہ انوکھی واردات گزشتہ شام ہوئی، موٹر سائیکل سوار دو مسلح ملزمان نے اسلحے کے زور پر ملازم سے 10 کلو قیمہ چھینا اور فرار ہوگئے۔ شہری نے اپنے ویڈیو بیان میں بتایا کہ جیسے ہی ملزمان میرے پاس آئے ، میں سمجھا موبائل فون اور کیش چھیننے آئے ہیں لیکن ملزمان قیمہ کی تھیلی چھین کر لے گئے۔
روزنامہ دنیا ایپ انسٹال کریں
