عالمی سطح پر جامعہ کراچی کے حلال ٹیسٹنگ سروس کے معیار کا اعتراف

کراچی (این این آئی) گلف کواپریشن کونسل ایکریڈیشن سینٹر(جی سی سی) نے بین الاقوامی مرکز برائے کیمیائی و حیاتیاتی علوم (آئی سی سی بی ایس) جامعہ کراچی کے تحت چلنے والی حلال سرٹیفکیشن ٹیسٹنگ اینڈ ریسرچ سروس (ایچ سی ٹی آر ایس)کو ایکریڈیشن سرٹیفکیٹ جاری کیاہے جو ادارے کے لیے ایک اہم سنگِ میل ہے۔
ایچ سی ٹی آر ایس، جامعہ کراچی کو پبلک سیکٹر تحقیقی اداروں میں واحد حلال سروس فراہم کرنے والا ادارہ ہونے کا اعزاز حاصل ہے ۔یہ بات بین الاقوامی مرکز برائے کیمیائی و حیاتیاتی علوم جامعہ کراچی کی سربراہ پروفیسر ڈاکٹر فرزانہ شاہین کی صدارت میں ایچ ای جے ریسرچ انسٹی ٹیوٹ میں ایک اجلاس کے دوران کہی گئی۔ پروفیسر فرزانہ شاہین نے ایچ سی ٹی آر ایس پروجیکٹ ٹیم بشمول ایچ سی ٹی آر ایس کے انچارج پروفیسر ڈاکٹرسید غلام مشرف، جنرل مینجر مفتی ڈاکٹر سیدعارف علی شاہ و دیگر ممبران کو مبارکباد دی ہے ۔