بطانسانی اسمگلنگ،صارم برنی کی درخواست ضمانت مسترد
کراچی (اسٹاف رپورٹر)دستاویزات میں ردوبدل اور انسانی اسمگلنگ کے الزامات، صارم برنی کی درخواست ضمانت سندھ ہائی کورٹ نے بھی مسترد کردی۔
وکیل صفائی عامر منصوب قریشی نے عدالت کو بتایا کہ ایف آئی آر کے مطابق یہ معاملہ 2019 کا ہے لیکن ایف آئی اے کی جانب سے ایف آئی آر 2024 میں درج کی گئی، جن دفعات کے تحت مقدمہ درج کیا گیا، الزام کے تحت وہ مقدمے میں نہیں ہونی چاہیے ، ملزم کی جانب سے دستاویزات میں کوئی جعل سازی نہیں کی گئی، ٹرسٹ کے چیئرمین کے طور پر درخواست گزار نے کسی دستاویز پر دستخط نہیں کیا کئے ، استغاثہ کے مطابق بچیوں کے نام تبدیل کئے گئے ، ٹرسٹ کے پاس بچوں کے اصل نام سے متعلق کوئی دستاویز نہیں ہیں اور نہ ہی پولیس فائل میں کوئی دستاویز ہے ۔ جسٹس امجد علی سہتو نے کہا کہ ایف آئی آر کے مطابق امریکی قونصل خانے نے شکایت کی تھی، وکیل صفائی نے کہا کہ جب بچے ملک سے باہر ہی نہیں گئے تو ٹریفکنگ کے الزام کیسے عائد کئے گئے ؟ ملزم ایک سال سے جیل میں ہیں، تفتیشی افسر نے عدالت کو بتایا کہ صارم برنی ٹرسٹ رجسٹرڈ نہیں ہے ، قونصل خانے کو دیئے گئے دستاویزات میں بچوں کو لاوارث قرار دیا گیا،نجی ٹی وی اینکر نے اپنے بیان میں کہا کہ ٹرسٹ کو معلوم تھا کہ بچی کی والدہ زندہ ہیں، اسسٹنٹ اٹارنی جنرل گلفراز خٹک نے کہا کہ امریکی حکومت نے شکایت کی کہ پچھلے چند برسوں میں بہت سے بچوں کو منتقل کیا گیا۔
