ڈیفنس میں رہائشی فلیٹ سے ایک شخص کی کئی روز پرانی لاش ملی
کراچی(مانیٹرنگ ڈیسک)ڈیفنس میں رہائشی فلیٹ سے ایک شخص کی کئی روز پرانی لاش ملی ہے ۔پولیس جاں بحق شخص کی وجہ موت جاننے کے لیے تفتیش کررہی ہے ۔
ایدھی حکام کے مطابق ڈینفس فیز ٹو 13 کمرشل اسٹریٹ کے قریب رہائشی فلیٹ سے ایک شخص کی سات روز پرانی لاش ملی ہے ۔واقعہ کی اطلاع ملتے ہی پولیس اور ایدھی رضاکار جائے وقوعہ پر پہنچ گئے ۔ جاں بحق شخص کی شناخت 55 سالہ آصف رضا ولد یوسف رضا کے نام سے ہوئی۔ایس ایچ او ڈیفنس شاہد تاج نے کہا کہ جاں بحق شخص کے بیٹے نے اطلاع پولیس کو دی ،جس نے پولیس کو بتایا کہ اس کی والدہ، بہن اور وہ بیرون ملک میں مقیم ہیں۔
روزنامہ دنیا ایپ انسٹال کریں
