ایم اے جناح روڈ پر مشہور الیکٹرک شاپ سربمہر
کراچی( کامرس رپورٹر )ریجنل ٹیکس آفس ون نے پوائنٹ آف سیل قوانین کی خلاف ورزیوں پر اپنی کارروائیاں جاری رکھتے ہوئے۔۔
آج اپنی انتظامی حدود ایم اے جناح روڈ پر ایک مشہور الیکٹرک شاپ کو سیل کردیا۔ مذکورہ الیکٹرک شاپ کو پی او ایس سسٹم سے غیر منسلک شدہ رسیدیں جاری کرنے پر سیلز ٹیکس قوانین 2006 کے رول 150 زیڈ ای او کے تحت سیل کیا گیا ہے ۔اس موقع پر چیف کمشنر آر ٹی او 1 کراچی ڈاکٹر فہیم محمد نے کہا ہے کہ پی او ایس قوانین کی خلاف ورزیوں کو برداشت نہیں کیا جائیگا اور ان کے خلاف کاروائیاں جاری رہیں گی۔انہوں نے تاجر برادری پر زور دیا کہ وہ پی او ایس قوانین پر عملدرآمد کو یقینی بنائے اور ملکی معیشت میں اپنا مقررہ کردہ حصہ ڈالیں ۔
روزنامہ دنیا ایپ انسٹال کریں
