پولیس گردی کے شکار پھل فروش سے ایس ایس پی کی ملاقات
کراچی (اسٹاف رپورٹر)پولیس اہلکار کے تشدد اور بدتمیزی کا نشانہ بننے والے پھل فروش سے ایس ایس پی کی ملاقات ،گلدستہ بھی پیش کیا۔
تفصیلات کے مطابق شاہراہِ نورجہاں میں مفت میں خربوزہ دینے سے منع کرنے پر پولیس اہلکاروں کی پھل فروش سے بدتمیزی کی ویڈیو وائرل ہوئی تھی۔ ایس ایس پی سینٹرل نے واقعے کا نوٹس لیتے ہوئے پولیس اہلکاروں کو معطل کردیا تھا جبکہ انکوائری کے بعد کانسٹیبل ظفر کو برطرف کیا گیا تھا۔ گزشتہ روز ایس ایس پی سینٹرل ذیشان شفیق صدیقی نے متاثرہ پھل فروش کو دفتر بلا کر گلدستہ پیش کیا اور واقعہ کی مکمل تفصیلات حاصل کیں۔
روزنامہ دنیا ایپ انسٹال کریں
