غیر قانونی زیرِ زمین پانی کی فروخت نگلیریا کی وجہ قرار
کراچی (این این آئی) شہر قائد میں دماغ کو کھانے والا وائرس کے پھیلاؤ کے سبب کے حوالے سے بڑا انکشاف ہوا، جس میں بتایا وائرس کی بڑی وجہ غیر قانونی واٹر ٹینکر کے ذریعے زیر زمین پانی کی سپلائی ہے ۔
تفصیلات کے مطابق کراچی میں دماغ کو کھانے والا جراثیم نگلیریا ایک بار پھر متحرک ہیں ، ماہرین کا کہنا ہے شہر میں نگلیریا کی سب سے بڑی وجہ غیر قانونی زیرِ زمین پانی کی فروخت ہے ، جو واٹر ٹینکر کے ذریعے حاصل کیا جاتا ہے ۔ماہرین نے بتایا کہ کچھ عرصہ قبل کراچی کی 50 یونین کونسلوں سے پانی کے لیے گئے نمونوں میں سے 95 فیصد میں نگلیریا مثبت آیا تھا۔شہر کی آدھی سے زیادہ آبادی ٹینکر کا پانی خریدتی ہے ، جس میں زیادہ تر پانی نہ صرف غیر قانونی طریقوں سے حاصل کیا جا تاہے بلکہ غیر معیاری اور کلورین کے بغیر ہوتا ہے جو نگلیریا کا سب سے بڑا سبب ہے ۔کراچی میں سرکاری سطح پر صرف 6 ہائیڈرنٹس سے پانی فروخت کیا جاتا ہے ، جس میں کلورین کا استعمال کیا جا تا ہے جبکہ کراچی میں یومیہ درجنوں غیر قانونی ہائیڈرنٹس کے ذریعے زیر زمین کئی ملین روپے کا پانی بیچا جاتا ہے ۔واٹر بورڈ کے پاس رجسٹرڈ ٹینکرز کی تعداد صرف ہے جبکہ شہر میں ہزار سے زائد ٹینکرز یومیہ پانی کی سپلائی کرتے ہیں۔
