تالاب سے نوجوان کی لاش ملی،بالٹی میں کمسن بچی ڈوب کر جاں بحق
کراچی(اسٹاف رپورٹر)گلشن اقبال میں تالاب سے ایک نوجوان کی ڈوبی ہوئی لاش ملی جبکہ بھینس کالونی کے ایک گھر میں پانی کی بالٹی میں کمسن بچی ڈوب کر جاں بحق ہوگئی۔
تفصیلات کے مطابق عزیز بھٹی تھانے کے علاقے گلشن اقبال کے ڈی اے آفیسر ہاؤسنگ سوسائٹی میں بنے مصنوعی تالاب سے ایک نوجوان کی ڈوبی ہوئی لاش ملی ہے جسے ریسکیو 1122 کے اہلکاروں نے جناح اسپتال منتقل کر دیا جہاں نوجوان کی لاش 19 سالہ محبوب علی ولد شبیر کے نام سے کی گئی۔ایس ایچ او عزیز بھٹی سعید باریجو نے بتایا کہ ابتدائی معلومات کے مطابق متوفی نوجوان تالاب میں نہاتے ہوئے ڈوب کر جاں بحق ہوا ہے ، مزید معلومات اکٹھا کی جا رہی ہے ۔ادھر سکھن تھانے کے علاقے بھینس کالونی روڈ نمبر 8 کچی آبادی کے قریب گھر میں پانی کی بالٹی میں ایک بچی ڈوب کر جاں بحق ہوگئی۔ بچی کی شناخت 2سالہ عنایہ دختر شفیق کے نام سے کی گئی۔
