غزہ متاثرین کیلئے امدادی کھیپ روانہ کردی گئی
کراچی(این این آئی)پاکستان کی نیشنل ڈیزاسٹر مینجمنٹ اتھارٹی نے غزہ کے لوگوں کیلئے قوم کی غیرمتزلزل حمایت کوتقویت دیتے ہوئے فلسطین کیلئے اپنی 15ویں انسانی امدادی کھیپ روانہ کردی ۔
الخدمت فاؤنڈیشن کے تعاون سے بھیجی گئی تازہ ترین کھیپ میں تقریباً 20ٹن ادویات، 5ٹن حفظان صحت کی کٹس اور 15ٹن خیمے شامل ہیں،یہ امداد ایک چارٹرڈ پرواز کے ذریعے جناح انٹرنیشنل ایئرپورٹ سے اردنتک پہنچائی گئی۔رائل میڈیکل سروسز اردن فلسطین کے لوگوں کو آگے کی تقسیم کیلئے وصول کرے گی۔پاکستان نے مجموعی طور پر 1,518ٹن امدادی امداد خصوصی طور پر فلسطین کیلئے روانہ کی ہے جو کہ اس مشکل وقت میں غزہ کے عوام کی حمایت کیلئے ملک کے مسلسل عزم کو ظاہر کرتا ہے ۔
روزنامہ دنیا ایپ انسٹال کریں
