سرجانی ٹاؤن سے مبینہ طور پر 15 سالہ لڑکی اغوا
کراچی(این این آئی)کراچی کے علاقے سرجانی گلشن بہار سے دسویں جماعت کے طالبہ علینہ گھر سے دسویں جماعت کا پرچہ دینے نکلی واپس گھر نہ لوٹی جبکہ والدین نے لڑکی مبینہ طور پر اغوا کا مقدمہ درج کرا دیا۔
لڑکی کے والد کے مطابق علینہ 30 اپریل کو ایک نجی اسکول میں دسویں جماعت کا امتحان دینے گئی تھی، مگر اس کے بعد سے لاپتہ ہے۔ والد نے کہا کہ انہوں نے اپنی بیٹی کو بہت تلاش کیا، لیکن وہ کہیں نہیں ملی۔ ان کا دعویٰ ہے کہ ان کی بیٹی کو نامعلوم ملزمان اغوا کر کے لے گئے ہیں۔تفتیشی ذرائع کے مطابق علینہ کی آخری موبائل لوکیشن راولپنڈی میں ٹریس کی گئی ہے ۔پولیس حکام نے بتایا کہ لڑکی کی تلاش کا سلسلہ جاری ہے۔
روزنامہ دنیا ایپ انسٹال کریں
