اسرائیل دنیا کا سب سے بڑا دہشت گرد ہے ،ثروت قادری
کراچی (اسٹاف رپورٹر)پاکستان سنی تحریک کے مرکزی صدر انجینئر محمد ثروت اعجاز قادری نے کہا ہے کہ اسرائیل دنیا کا سب سے بڑا دہشتگرد ہے ۔اسرائیل عالمی قوانین کی بھی خلاف ورزی کر رہا ہے ۔
اسرائیل اب تک بچوں، بوڑھوں اور عورتوں سمیت ہزار نہتے فلسطینیوں کا قتل عام، لاکھوں کو زخمی اور بے گھر کر چکا ہے ۔ایک بیان میں انہوں نے مزید کہا کہ فلسطینیوں پراسرائیلی ظلم و بربریت کی مثال پوری دنیا میں نہیں ملتی ہیں۔اسرائیل کی ریاستی دہشتگردی اب نہ صرف غزہ اور فلسطین بلکہ خطے کے دوسرے ممالک کو اپنی لپیٹ میں لے رہی ہے ۔اسرائیل کے ظلم و ستم اور نسل کشی کو گر نہ روکا گیا تو یہ خطے کے امن کو تباہ کرکے ایسے کشیدہ حالات پیدا کر سکتی ہے جس کے منفی نتائج سے دنیا کا کوئی ملک متاثر ہوئے بغیر نہ رہ سکے گا۔مرکزی سیکرٹری جنرل پاکستان سنی تحریک علامہ بلال سلیم قادری شامی نے کہا کہ امت مسلمہ اور دیگر مذاہب اسرائیل کے خلاف سراپا احتجاج ہیں۔اسرائیل کا ظلم و ستم ہر کسی کو نظر آرہا ہے ۔اقوام متحدہ او آئی سی اور دیگر انسانی حقوق کی تنظیمیں اسرائیل کے ظلم کے لیے اٹھنے والے ہاتھوں کو کیوں روک نہیں پا رہی ہیں۔اسرائیل غزہ اور فلسطینیوں کے مسلمانوں کی نسل کشی کے لیے تمام حدیں کراس کر چکا ہے ۔اسرائیلی حکومت کی وسیع تر پالیسی پر مبنی ہے جس کے ذریعے وہ فلسطینیوں پر یہودی اسرائیلیوں کے تسلط کو برقرار رکھنا چاہتی ہے ۔
