جماعت اسلامی نے شجرکاری مہم کا آغاز کردیا
کراچی (اسٹاف رپورٹر)امیر جماعت اسلامی کراچی منعم ظفر خان نے اپوزیشن لیڈر کے ایم سی سیف الدین ایڈوکیٹ، ٹاؤن چیئرمین گلشن اقبال ڈاکٹر فواد کے ہمراہ گلشن اقبال ٹاؤن سے آؤ کراچی سرسبزبنائیںکے عنوان سے شجرکاری مہمکاآغاز کردیا ہے اور۔۔۔
اعلان کیا ہے کہ جماعت اسلامی کے تحت ماحولیاتی تبدیلیوں اور گرم موسم کی بڑھتی ہوئی شدت کے پیش ِ نظر کراچی میں 1لاکھ درخت لگائے جائیں گے ۔ٹاؤن و یوسی چیئر مینوں اور بلدیاتی نمائندوں کی نگرانی میں مہم کو بھر پور و موثر بنایا جائے گا،سندھ حکومت بتائے کہ ماحول کو بہتر بنانے کے لیے اپنا کردار کیوں ادانہیں کررہی؟ حکومت کے 50ہزار درخت لگانے کے وعدے کہاں گئے ؟سندھ انوائیر مینٹل پروٹیکشن ایجنسی سمیت دیگر حکومتی ادارے کہاں ہیں؟ پیپلز پارٹی کی صوبائی حکومت کے تمام ادارے شہریوں کو سہولت دینے میں ناکام ہوچکے ہیں۔ حکومتی ادارے کرپشن و لوٹ مار میں ملوث ہیں،کراچی کی شاہراہوں کو ماضی میں ٹھنڈی سڑکیں کہا جاتا تھا، لیکن یہاں کے درختوں کو بی آر ٹیز کے نام پر کاٹ دیا گیا ہے ،پچھلے دوسال میں جماعت اسلامی اپنے 9ٹاؤنز میں اب تک 155سے زائد پارکس بحال کرچکی ہے ،شہر میں روڈ سائیڈ جنگلاور اربن فارسٹکا نہ صرف تصور پیش کیا بلکہ عملاََیہ کام کرکے بھی دکھایاہے ، گلبرگ ٹاؤن اور لیاقت آباد ٹاؤن میں اس منصوبے کو عملی جامہ پہنایا،جس میں ہزاروں کی تعداد میں پودے لگائے گئے ،بارش اور وضو کے پانی کو محفوظ بنانے کے لیے فیڈرل بی ایریا بلاک20,10میں واٹر ہارویسٹنگ پروجیکٹ کا آغاز کیا گیاہے ۔
