سندھ سیڈ کارپوریشن کا مینجمنٹ بورڈ تشکیل دینے کا فیصلہ
کراچی(اسٹاف رپورٹر)وزیر زراعت سردار محمد بخش خان مہر کی زیر صدارت سندھ سیڈ کارپوریشن بورڈ کا سندھ سیکریٹریٹ میں اجلاس منعقد ہوا جس میں ادارے کی کارکردگی کا جائزہ لیا گیا ۔
اجلاس میں صوبائی وزیر جام خان شورو، صوبائی وزیر سید ذوالفقار علی شاہ، سیکریٹری زراعت محمد زمان ناریجو، ایم ڈی سیڈ کارپوریشن مشتاق سومرو، ایڈیشنل سیکریٹری اردیس کھوسو، ڈپٹی سیکریٹری احمد علی شیخ سمیت دیگر متعلقہ افسران نے شرکت کی۔ایم ڈی سندھ سیڈ کارپوریشن نے اجلاس کے شرکاء کو ادارے کی کارکردگی سے متعلق تفصیلی بریفنگ دی جبکہ اجلاس میں سیڈ کارپوریشن کی بہتری سے متعلق مختلف تجاویز اور اقدامات پر تفصیلی تبادلہ خیال کیا گیا۔اجلاس میں فیصلہ کیا گیا کہ سندھ سیڈ کارپوریشن کی مینجمنٹ بورڈ تشکیل دی جائے گی تاکہ ادارے کے انتظامی امور کو مؤثر انداز میں چلایا جا سکے ۔
روزنامہ دنیا ایپ انسٹال کریں
