سکولوں کو سموگ تدارک کیلئے اقدامات کی ہدایت
لاہور (ایجوکیشن رپورٹر) پنجاب حکومت نے سکولوں کو جنوری میں سموگ کی روک تھام کیلئے خصوصی اقدامات کرنے کی ہدایت کردی۔
محکمہ سکول ایجوکیشن کی جانب سے جاری مراسلہ میں کہا گیا ہے کہ سکول کھلتے ہی سموگ کے خاتمہ کیلئے آگاہی مہم چلائی جائے ، سموگ سے بچاؤ کے لئے سکولوں کے کھلنے اور بند ہونے کے اوقات کار کو مقرر کیا جائے ۔مراسلہ میں ہدایت کی گئی ہے کہ چھٹیوں کے دوران سموگ سے آگاہی کے لئے ای لرننگ کا بھی انتظام کیا جائے ۔محکمہ سکول ایجوکیشن نے تمام ایجوکیشن اتھارٹیز کو اقدامات کی تصاویر روزانہ بھجوانے کے احکامات جاری کرتے ہوئے متنبہ کیا ہے کہ احکامات پر عملدرآمد نہ کرنے والی اتھارٹیز کیخلاف کارروائی کی جائے گی۔
روزنامہ دنیا ایپ انسٹال کریں
