پنجاب کے 25فیصد سکول کتب خانوں سے محروم
لاہور (عاطف پرویز سے) پنجاب کے 25 فیصد ہائی اور ہائر سیکنڈری سکولوں میں کتب خانے موجود نہ ہونے کا انکشاف ہوا ہے۔
اس حوالے سے پاکستان انسٹیٹیوٹ آف ایجوکیشن نے تمام صوبوں کے سکولوں میں لائبریریز کی سہولیات کے حوالے سے رپورٹ جاری کر دی جس کے مطابق پنجاب کے 75 فیصد ہائی اور ہائر سیکنڈری سکولوں میں لائبریریز ہیں ،سندھ میں 18 فیصد جبکہ کے پی کے میں یہ سہولت 31 فیصد ہے ۔اسی طرح گللگت بلتستان کے پچاس فیصد اورآزاد کشمیر کے صرف 16 فیصد سکولوں میں لائبریریز ہیں۔ رپورٹ میں مزید بتایا گیا بلوچستان کے 77 فیصد ہائی اور ہائر سیکنڈری سکولز لائبریری کے بغیر ہیں ۔ رپورٹ کے مطابق پنجاب سکولوں میں لائبریریز کے حوالے سے دیگر صوبوں کے حوالے سے بہتر ہے ۔ محکمہ سکول ایجوکیشن ذرائع کے مطابق مڈل اور پرائمری کے اکثر سکولوں میں لائبریریز نہیں ہیں ۔
روزنامہ دنیا ایپ انسٹال کریں
