اسلام ہی کامیابی کاضامن :جماعت اسلامی خواتین
لاہور(سیاسی نمائندہ)سیکرٹری جنرل حلقہ خواتین جماعتِ اسلامی پاکستان ڈاکٹر حمیرا طارق نے کہا ہے کہ اسلامی انقلاب سے معاشرے میں اتفاق، احتساب اور اعلیٰ معیارات کا قیام ممکن ہو سکے گا۔
حقوق اللہ اور حقوق العباد کے فرائض کی ادائیگی کے لیے ماہِ رمضان اہلِ ایمان کو ہمہ گیر تربیت کا قیمتی موقع فراہم کرتا ہے ۔ منصورہ میں دورہ تفسیر القرآن کے لئے ملک بھر سے آئی ہوئی طالبات کے اعزاز میں دئیے گئے افطار ڈنر سے خطاب کرتے ہوئے ڈاکٹر حمیرا طارق نے کہا کہ قرآن کریم کتابِ ہدایت و انقلاب ہے ۔رمضان یہ پیغام دے رہا ہے کہ اسلامی انقلاب کی شمع روشن ہوتے ہی پورا معاشرہ یکسر بدل جائے گا۔ قرآن و سُنت کا نظام ہی انسانیت کی اُخروی فلاح و نجات سمیت دُنیاوی امن و استحکام کا بھی ضامن ہے ۔ دورہ تفسیر کی شرکا قران کی کرنوں سے سینوں کو منور کرنے کا عزم لے کر گھروں سے نکلی ہیں ۔ قران کی تفسیر سیکھیں،ایمان و احتساب کیساتھ روزہ کی حفاظت کریں ۔ قران کے فلسفے کو سمجھیں اور سماج میں اتحاد و محبت کا ماحول پیدا کریں۔
