قصور:ڈی سی کی زیر صدارت کوالٹی کنٹرول بورڈ کا اجلاس
قصور(نمائندہ دنیا)ڈپٹی کمشنر عمران علی کی زیر صدارت ڈسٹرکٹ کوالٹی کنٹرول بورڈ کا اجلاس ڈی سی کمیٹی روم میں منعقد ہوا۔
جس میں چیف ایگزیکٹو آفیسر ہیلتھ اتھارٹی ڈاکٹر غلام مصطفی سحر، سیکرٹری کوالٹی کنٹرول بورڈ ڈاکٹر مریم شریف، کنسلٹنٹ فزیشن ڈاکٹر عبدالحسیب خاں نیازی، ڈرگ کنٹرولر خلیل احمد،ڈپٹی ڈرگ کنٹرولر بلال یسٰین، ڈرگ انسپکٹر چونیاں لئیق الرحمن خان، ڈرگ انسپکٹر کوٹ رادھاکشن محمد اسلم اور دیگر متعلقہ افسروں نے شرکت کی، اس موقع پر غیر قانونی طور پر چلائے جانیوالے 12میڈیکل سٹوروں اور کلینکس کے کیسوں کی سماعت ہوئی، تمام کیسوں کا تفصیلی جائزہ لیکر2میڈیکل سٹور وں اورکلینکس کے کیسز مزید کارروائی کیلئے ڈرگ کورٹ بھیج دیئے ،8کو وارننگ دی گئی، 1کیسز کو دوبارہ وزٹ کرنے اور ایک کیس واپس کمیٹی کو بھیجنے کا فیصلہ کیا گیا، ڈپٹی کمشنر عمران علی کا کہنا تھا کہ جعلی وغیر معیاری ادویات کا کاروبار کرنے والوں سے کوئی رعایت نہیں برتی جائیگی، انہوں نے ہدایت کی کہ ضلع میں جعلی وغیر معیاری ادویات کی فروخت کے گھناؤنے دھندے کی مکمل روک تھام کیلئے ڈرگ انسپکٹرز مزید متحرک ہو کر کام کریں اور اپنی روزانہ کی کارکردگی رپورٹ دیں۔
