پی ایچ ڈی ہولڈرزکی1سال کیلئے جامعات میں تعیناتی کافیصلہ
لاہور(خبر نگار)ہائر ایجوکیشن کمیشن کیجانب سے پی ایچ ڈی طلباو طالبات کو روزگار کی فراہمی کے لیے درخواستیں جمع کرانے کا آج آخری روز ہے۔
تفصیلات کے مطابق ملک بھر کی جامعات میں عارضی نوکریوں کی درخواستوں کی وصولی کیلئے آج آخری روز ہے ۔ہائرایجوکیشن کمیشن پی ایچ ڈی کرنے والے امیدواروں کو روزگار فراہم کرے گا۔منتخب پی ایچ ڈی کرنے والے طلباءو طالبات کو ایک سال کے لئے جامعات میں تعینات کیا جائے گا۔منتخب پی ایچ ڈی امیدواروں کو ماہانہ ڈیڑھ لاکھ تنخواہ دی جائے گی،گزشتہ دو سال میں پی ایچ ڈی کرنے والے امیدوار پروگرام کے لئے اہل ہوں گے ۔امیدواروں کی عمر کی حد 40 سال اور 2 تحقیقی مقالہ جات کی اشاعت لازمی ہے ،منتخب شدہ امیدواروں کو نیشنل فیکلٹی ڈویلپمنٹ پروگرام میں چار ہفتوں کی تربیت بھی دی جائے گی۔ پی ایچ ڈی امیدوار 22 اپریل تک ایچ ای سی کے پورٹل پر درخواست دے سکیں گے ۔
