زندہ مرغی 18 روپے کلو مہنگی، سبزیوں کے من مانے نرخ
لاہور(کامرس رپورٹر سے ، این این آئی)سرکاری نرخنامے میں پرچون سطح پر زندہ برائلر مرغی کی قیمت 18روپے اضافے سے 371روپے کلوجبکہ فارمی انڈوں کی قیمت ایک روپیہ مزید اضافے سے 236روپے درجن کی سطح پر رہی۔
تعطیل کے روز طلب زیادہ ہونے کی وجہ سے اوپن مارکیٹ میں مختلف مقامات میں برائلر گوشت 590سے 630روپے کلو فروخت کیا گیا ۔ادھر سرکاری نرخنامے کے مطابق سبزیوں اور پھلوں کی فروخت یقینی بنانے کیلئے موثر کریک ڈا¶ن نہ ہونے سے شہر کی اوپن مارکیٹوں میں گراں فروشی کا سلسلہ عروج پر رہا ، مختلف بازاروں، گلی محلوں میں قائم دکانوں اور پھیری والوں نے سرکاری نرخنامے کے بجائے سبزیاں اور پھل اپنی مرضی کے نرخوں پر فروخت کئے ۔ سرکاری نرخنامے میں آلو کچا چھلکا نیا درجہ اول کی قیمت50روپے مقرر کی گئی ،تاہم مختلف مقامات پر دکاندار 70روپے کلو فروخت کرتے رہے ۔پیاز درجہ اول50کے بجائے 70، درجہ اول دوم40کے بجائے 60، ٹماٹر درجہ اول50کے بجائے 70، درجہ دوم40کے بجائے 60، لہسن دیسی نیا150کے بجائے 280سے 300، لہسن چائنہ350کے بجائے 460سے 480،ادرک تھائی لینڈ370کے بجائے 430سے 450، چائنہ370کے بجائے 450سے 470،کھیرا فارمی50کے بجائے 70سے 80،میتھی70کے بجائے 90سے 100 ،بند گوبھی30کے بجائے 40سے 50،پھول گوبھی60کے بجائے 80،شملہ مرچ50کے بجائے 70سے 80،بھنڈی185کے بجائے 250سے 260، مٹر105کے بجائے 150سے 160،کریلا80کے بجائے 100سے 120، لیموں چائنہ200کے بجائے 330سے 350،ٹینڈے دیسی200کے بجائے 270سے 280،ٹینڈیاں فارمی70کے بجائے 80سے 90،گھیا کدو60کے بجائے 70سے 80،پالک فارمی20کے بجائے 40 جبکہ گھیا توری120کے بجائے 150سے 160روپے کلو تک فروخت کی گئی ۔سیب ایرانی درجہ اول کی سرکاری نرخنامے میں قیمت310روپے کلو مقرر کی گئی تاہم مختلف علاقوں خصوصاً پوش علاقوں میں اس کی قیمت450سے 500روپے کلو تک وصول کی گئی ۔سیب ایرانی دوجہ دوم240کے بجائے 300سے 340،سیب کالا کولو پہاڑی درجہ اول340کے بجائے 500سے 550روپے ، سیب کالا کولو میدانی درجہ اول 200کے بجائے 250سے 280، درجہ دوم110کے بجائے 180سے 200،سیب سفید درجہ اول180کے بجائے 240سے 250، امرود درجہ اول150کے بجائے 180سے 200، آڑو درجہ اول240کے بجائے 360سے 380، درجہ دوم160کے بجائے 250سے 260،گرما75کے بجائے 90سے 100،خربوزہ درجہ اول75کے بجائے 100سے 120، درجہ دوم50کے بجائے 70سے 80،سٹرابری درجہ اول 80کے بجائے 120سے 140، تربوز40کے بجائے 50 روپے کلو،،کیلا درجہ اول 240کے بجائے 360سے 380، درجہ دوم 190کے بجائے 250سے 260روپے درجن فروخت کیا گیا۔
