جامعہ پنجاب : ہاسٹلز ریکوری میں 81.5 ملین کا اضافہ
لاہور(اپنے سٹاف رپورٹر سے،خبر نگار)پنجاب یونیورسٹی کے بوائز اور گرلز ہاسٹلز کے مالی معاملات میں شفاف نظام کے نفاذ سے سال 2024 جنوری تا اپریل کے مقابلے میں سال 2025 جنوری تا اپریل کی ریکوری میں 81.5ملین کا اضافہ ہوا۔۔۔
جس سے طلبہ و طالبات کو ہاسٹلز میں بہتر سہولیات فراہم کرنے میں مدد ملے گی۔ترجمان پنجاب یونیورسٹی کے مطابق سال 2024 کے پہلے چار ماہ میں بوائز ہاسٹلز سے حاصل ہونے والی آمدنی کی رقم26.4ملین تھی جو سال 2025 میں بڑھ کر 78.2ملین ہوگئی جس میں 51.5ملین کا اضافہ ہوا۔گرلز ہاسٹلز سے سال 2024 کے پہلے چار ماہ میں حاصل ہونے والی آمدنی کی رقم 88ملین تھی جو 2025 کے پہلے چار ماہ میں بڑھ کر 118ملین ہوگئی اورکل آمدنی میں 30ملین کا اضافہ ہوا۔
روزنامہ دنیا ایپ انسٹال کریں
