کوٹ ادو چوروں ،ڈاکوئوں کے نرغے میں، متعدد وارداتیں
کوٹ ادو(تحصیل رپورٹر)ضلع کوٹ ادوچوروں ڈاکوؤں کے حوالے ،ایک کی رات میں متعدد چوریاں وڈکیتیاں،شہری موٹر سائیکلوں سمیت رقم سولر موٹر بجلی و دیگر سامان سے محروم ہوگئے ۔۔۔
تفصیل کے مطابق ضلع کوٹ ادو میں چوری وڈکیتی کی وارداتوں میں کمی نہ آسکی،شہری موٹر سائیکلوں سمیت دیگر سامان سے محروم ہوگئے ،محمد ابراہیم کی غلہ منڈی کے گیٹ سے موٹر سائیکل چوری کرلی گئی، وارڈ نمبر 13 کا رہائشی حاجی محمد نعیم اپنی دکان 64 والی پل پر جا رہا تھا کہ دربار چانن والی کے قریب 4 ڈاکوؤں نے رقم موبائل موٹر سائیکل اور دیگر سامان چھین لیا۔ فاطمہ میڈی کیئردوائی لینے کیلئے أٓنے والے وارڈ نمبر8کا رہائشی شہروز بختاور کاچارجنگ کیلئے کوئنٹر پر لگا موبائل فون نامعلوم نے اٹھا لیا۔غلام مرتضیٰ دھون اپنے بھتیجا کے ہمراہ غلہ منڈی سے آڑھتی سے گڑکی رقم ایک لاکھ لیکرموٹر سائیکل پرگھرموضع سدھاری جا رہے تھے کہ نیو غلہ منڈی کے سامنے موضع ہالہ کے قریب 3 ڈاکوموبائل اور نقد ی ایک لاکھ رقم چھین کر فرارہوگئے ، دائرہ دین پناہ کے رہائشی محمد ثناء اللہ کے گھر سے ایک لاکھ 55 ہزار مالیت کی سولر موٹر نامعلوم چوری کرکے لے گئے ، بستی آڑی مائی سہاگن کاریائشی محمد ارشاد کہ مٹھائی کے کارخانے سے نامعلوم چور رات کی تاریکی کا فائدہ اٹھاتے ہوئے موٹر بجلی کڑاہ چھانے گھڑپے مالیتی 55 ہزار روپے کے چوری کر کے لے گئے ۔
