3کالجز کی چاردیواری کیلئے 44لاکھ روپے کی سکیمیں منظور
وہاڑی ( نمائندہ خصوصی، نمائندہ دنیا ،خبرنگار) ڈپٹی کمشنر وہاڑی عمرانہ توقیر کے زیر صدارت ڈسٹرکٹ ڈیویلپمنٹ کمیٹی کا اجلاس ہوا، کالجز کی چار دیواری کی تعمیر ومرمت کا ایجنڈا پیش کیا گیا۔
ڈپٹی کمشنر عمرانہ توقیر نے 3کالجز کی چاردیواری کیلئے 44لاکھ روپے کی سکیموں کی منظوری دی اور کہا کہ گورنمنٹ ایسو سی ایٹ گرلز کالج وہاڑی کی چار دیواری کی تعمیر پر23لاکھ روپے اور گورنمنٹ کالج ملتان روڈ کی چار دیواری پر 19لاکھ روپے اورایسوسی ایٹ گرلز کالج لڈن کی چار دیواری کی مرمت پر ایک لاکھ 57ہزار روپے خرچ کئے جائیں گے ۔ڈپٹی کمشنر عمرانہ توقیر نے افسروں کو کالجز کی چار دیواری کا کام تیز کرنے کیلئے مزید اقدامات اٹھانے کی ہدایت کی۔
روزنامہ دنیا ایپ انسٹال کریں
