اسسٹنٹ کمشنر مجسٹریٹس کی کارکردگی مانیٹر کریں :غلام مصطفی
خانیوال (ڈسٹرکٹ رپورٹر، نامہ نگار)خانیول میں اشیائے خوردونوش کی قیمتوں کی پڑتال کیلئے پرائس کنٹرول مجسٹریٹس کا جائزہ اجلاس۔۔
ایڈیشنل ڈپٹی کمشنر جنرل غلام مصطفی سیہڑ کی زیر صدارت منعقد ہوا۔کم قیمتوں کاریلیف شہریوں تک پہنچانے کیلئے ضلعی انتظامیہ متحرک ہے ،پرائس کنٹرول مجسٹریٹ کو گرانفروشوں کو کٹہرے میں لانے کی ذمہ داری سونپ دی گئی ہے ۔اجلاس میں ڈی او انڈسٹریز بلال احمد، سیکرٹری مارکیٹ کمیٹی اعجاز سلیم منہیس ودیگر پرائس کنٹرول مجسٹریٹس آن لائن موجود تھے ۔ایڈیشنل ڈپٹی کمشنر جنرل غلام مصطفیٰ نے خطاب کرتے ہوئے کہا کہ وزیراعلی پنجاب مریم نواز شریف کی ہدایت پر قیمتوں کو اعتدال پر رکھا جائے ،پرائس کنٹرول مجسٹریس روزانہ کا ٹارگٹ ضرور حاصل کریں،صوبائی پرائس رینکنگ میں ضلع کو ٹاپ پوزیشن پر لانا مقصود ہے ، گرانفروشوں کی دکانوں و سٹوروں کی انسپکشنزبڑھائی جائیں،ناقص کارکردگی پر پرائس کنٹرول مجسٹریٹس کو اب مزید رعایت نہیں دینگے ،اسسٹنٹ کمشنرز اپنی تحصیلوں میں مجسٹریٹس کی کارکردگی کو خود مانیٹر کریں اور انہیں فیلڈ میں متحرک رکھیں۔اجلاس میں تمام مجسٹریٹس کی انفرادی کارکردگی کا جائزہ بھی لیا گیا ۔
