’’گرمی میں سایہ نہ پانی ‘‘احساس کفالت سینٹرز پر عوا م خوار
سرگودھا(نامہ نگار )بنیادی سہولیات کی عدم فراہمی او ر عملے کے عدم تعاون کے باعث احساس کفالت پروگرام کے لئے بنائے گئے سنٹرزمسائل کی آماجگاہ بن گئے جبکہ آنیوالے سائلین کو سخت مشکلات کا سامنا ہے۔
تفصیل کے مطابق مستحق افراد اور ریٹیلرز کی رجسٹریشن کیلئے سرگودھا میں تحصیل سطح پر احساس کفالت پروگرام سنٹرز بنائے گئے ہیں جہاں عملے کی قلت ،دیگر بنیادی سہولیات کی عدم فراہمی کے باعث سائلین کی ایک بڑی تعداد خوار ہو کر رہ گئی ہے ، گرمی میں ان کے لئے سائے ،بیٹھنے کی جگہ ،پینے کے صاف پانی کی فراہمی سمیت دیگر بنیادی سہولیات دستیاب نہیں، تکنیکی مسائل نے بھی عملے و سائلین کو پریشانی میں مبتلا کر رکھا ہے ۔
ڈیوائسز سے شناخت کے عمل میں رکاوٹ کی وجہ سے سینکڑوں مستحقین کو رقوم ادا نہیں ہو رہیں جس پر وہ سراپا احتجاج بن گئے ہیں، ا کثریت کا کہنا ہے کہ وہ کئی کئی روز سے چکر لگا رہے ہیں مگر مختلف رکاوٹوں کی وجہ سے ان کے کیسز مسلسل التواء کا شکا ر ہیں۔
جبکہ عام حالت میں بھی ایک رجسٹریشن کروانے کیلئے صبح سے شام تک لائن میں لگنا پڑتا ہے ،انہوں نے ارباب اختیار سے نوٹس لینے کا مطالبہ کیا ہے ۔ہے کہ اس قسم کی موصول ہونیوالی بوگس کالز یا میسج پر عمل کرنے کی بجائے فوری طور پر متعلقہ پولیس کو آگاہ کیا جائے ۔
