ڈویژنل پبلک سکول میں پہلی بار بار پری نرسری کلاس کا آغاز
فیصل آباد(خصوصی رپورٹر)ڈویژنل پبلک سکول کی48 سالہ تاریخ میں پہلی بار\\\'\\\'پری نرسری\\\'\\\' کلاس کا آغازکردیا گیا کمشنر نے ڈی پی ایس جونیئر سیکشن میں پری نرسری کلاس کے آغاز کا افتتاح کیا۔۔۔
پری نرسری کلاس میں تین سال تک کی عمر کے 25 بچوں کا داخلہ ہوچکا ہے ۔کمشنر نے بچوں میں تحائف بھی تقسیم کئے ۔وہ بچوں میں گھل مل گئیں اور ان سے شفقت کا اظہار کیا۔انہوں نے بچوں کے لئے دستیاب تعلیمی وتفریحی سہولیات کا جائزہ لیا۔کمشنر نے کہا کہ مونٹیسری کلاسز کے لئے اساتذہ کی جدید خطوط پر تربیت کرائی جائے ۔ کمشنر نے اساتذہ سے بھی ملاقات کی۔کمشنر نے ڈی پی ایس بوائز سیکشن کا بھی دورہ کیااورڈی پی ایس ایف ڈی اے سٹی برانچ اور کیمبرج سیکشن کے قیام کے حوالے سے بریفنگ لی۔انہوں نے کہا کہ اساتذہ اپنی صلاحیتوں کو بروئے کار لاکر طالب علموں کی عمدہ کردار سازی کریں۔طالب علموں کے کلاس ٹیسٹ پر فوکس کریں۔ والدین سے قریبی رابطہ رکھا جائے ۔
