گورنمنٹ انبالہ مسلم گریجوایٹ کالج میں یوم اقبال کے حوال سے سیمینار
سرگودھا(سٹاف رپورٹر ) گورنمنٹ انبالہ مسلم گریجوایٹ کالج سرگودھا میں ہم نصابی فورم کے زیر اہتمام یوم اقبال کے حوالے سے سیمینار منعقد کیا گیا۔
وائس پرنسپل گورنمنٹ انبالہ مسلم گریجوایٹ کالج سرگودھا پروفیسر شاہد اسلام دانش نے تقریب میں بطور مہمان خصوصی شرکت کی، اس موقع پر پروفیسر ڈاکٹر سید مرتضیٰ حسن نے اقبال کے فکر و فلسفے کے حوالے سے خصوصی گفتگو کی، انھوں نے کہا کہ اقبال نے اپنی شاعری میں عظمت انسان اور انسان کامل کا لازوال تصور پیش کیا ہے ، اقبال کے نزدیک یقین محکم اور عمل پیہم اس انسان کامل کے بنیادی اوصاف ہیں، پروفیسر شاہد اسلام دانش نے کہا کہ اقبال کا تصور مرد مومن بہت غیر معمولی اور با کمال ہے ، اقبال کے خیال میں مرد مومن کی منزل ستاروں سے بھی آگے ہے ۔
روزنامہ دنیا ایپ انسٹال کریں
