سٹار ویلفیئر آرگنائزیشن ،حواشیلٹر ہوم میں فری میڈیکل کیمپ
سرگودھا(سٹاف رپورٹر ) محکمہ بہبود آبادی کے زیر اہتمام سٹار ویلفیئر آرگنائزیشن ،حواء شیلٹر ہوم میں فری میڈیکل کیمپ کا انعقاد کیا گیا۔۔۔
جس میں عورتوں کو خاندانی منصوبہ بندی کے حوالے سے آگاہی اور ان کے میڈیکل چیک اپ ’ فری ادویات فراہم اور ٹیسٹ بھی کیے گئے ۔ کیمپ میں خواتین کی کثیر تعداد نے شرکت کی۔انچارج حواء شیلٹر ہوم رفعت رانی نے محکمہ بہبود آبادی کی جانب سے آنیوالی ڈاکٹرز اورخواتین پر مشتمل دیگر میڈیکل ٹیم کیساتھ ملکر خواتین کو آگاہی لیکچر بھی دیا، ۔کیمپ کے موقع پر ریاست علی فیروزی اور وائس پریذیڈنٹ سٹار ویلفیئر آرگنائزیشن آشر عدیل گل نے بھی وزٹ کیا۔ اس حوالے سے صدر سٹار ویلفیئر آرگنائزیشن محمد شفیق ڈوگر نے فری میڈیکل کیمپ کا انعقاد کرنے پر ڈپٹی کمشنر اور ڈائریکٹر محکمہ پاپولیشن ملک آفتاب اعوان کا شکریہ ادا کر تے ہوئے کہا کہ اس طرح کے فری میڈیکل کیمپ لگانے سے خواتین کو بہت سے مسائل بارے آگاہی اور ان سے چھٹکارا حاصل کرنے کا موقع ملتا ہے ۔
