بھکر میں بھی عالمی یوم آبادی بھرپور اندازمیں منایا جائیگا
بھکر (ڈسٹرکٹ رپورٹر)سی ای او محکمہ صحت و آبادی بھکر ڈاکٹر مظہر عباس خان کی خصوصی ہداہت پر پنجاب بھر کی طرح ضلع بھکر میں بھی۔۔۔
عالمی یوم آبادی 11 جولائی 2025 نوجوانوں کو بااختیار بنانا! منصفانہ اور امید افزا دنیا میں اپنے خاندان بنانے کیلئے عنوان کے ساتھ بھرپور اندازمیں منایاجائے گا۔ دن کے منانے کا بنیادی مقصد عوا م الناس میں خواتین اور بچوں کی صحت اور حقوق کے تحفظ، بڑھتی ہوئی آبادی کے مسائل اجاگرکرنا،ماں بچے کی صحت کے حوالے سے احتیاطی تدابیر،ماں بچے کی صحت کیلئے بچوں کی پیدائش میں3سال کاکم ازکم وقفے کی اہمیت،جدید مانع حمل طریقوں اور ادویات کے استعمال بارے آگاہی فراہم کرنا اور نوزائیدہ بچوں کیلئے ماں کے دودھ کی اہمیت بارے شعوراجاگر کرناہے ۔عالمی یوم آبادی کی تقریبات ک آغاز 10 جولائی بروز جمعرات محکمہ صحت و آبادی کے مراکز پر youth کے ساتھ بڑھتی ہوئی آبادی کے مضمرات پر آگاہی سیشنز کے انعقاد سے ہوگا۔11 جولائی بروز جمعہ 10 بجے دن ضلع کونسل ہال بھکر میں سیمینار کا انعقاد ہوگا ۔اور سیمینار کے اختتام پر ضلع کونسل ہال سے جنرل بس سٹینڈ تک آگاہی واک کا انعقاد بھی ہوگا۔اسی دن محکمہ صحت و آبادی کے سوشل انفلوئنسرز علماء کرام/ خطیب جمعہ کے خطبہ میں ماں بچے کی صحت، بڑھتی ہوئی آبادی اور صنفی مساوات پر خصوصی خطاب بھی کریں گے ۔
